جبرني الحب .... جديدي

جبرني الحب اگول اهواك بلساني
وعليك الگلب بالنبظات وداني
يانسمة عشگ ياحنة امعرسين
يبو شفايف عسل وخدود رماني
يل كلش اذوب ابنظرتك مرات
لأن عينك عراقي ابنكهة الماني
اريد اصرخ احبك من الاعماق
واريد اسمع لردك ترس اذاني
احب بيك البرائه وطبعك الاخلاق
وهدوئك يا ورد هو السباني
يل من حرف اسمك اكتب اشعار
والحنها وارددها بأغاني
اريد اگضي العمر بس صافن اعليك
ومتفارگ عيوني لو ثواني
واريدك حب حياتي اتصير وياي
واذا ماردتك آني فلا آني
شگد شايل ولع واشواگ احاچيك
وگد ما بيك افكر صرت اعاني
اريد اعلن ولائي واعترف اهواك
واخافن ترفض ومدري اشبلاني
شاغل بيك فكري بليل ونهار
حياتي صرت انته وكل زماني
لك يمته وتحس بيه آنه اهواك
مو من حيرتي الهم هواني
اخاف اندم اذا ما اكشف الاسرار
وتالي من تصير الغيري اندم
واخاف اتأخر بچلمة أحبك حيل
واظل ابچي اعله مودك دمع من دم
مره اذكر بجرأه وگلت اهواك
بس مو بالحقيقه وچنت احلم
يمته اتحس احبك گلي يايوم؟
ويمته بحرگتي وبناري تعلم؟
يمته اتگول احبك حته ارتاح
وجرح الوحده بيه شوكت يلتم
محتاج لمحبتك وافرح اوياك
ومحتاجك تصير الجرحي بلسم
اريد اوياك اعدم كل الاحزان
واريد اوياك احضر لحزني مأتم
واگلب كل دموعي اوياك ضحكات
لأن چانت دموع الوحده تلچم
ساكت لا تظل من احچي وياك
تره الدنيا اگلبه بصيحه اقسم
مو ذنبي انسحرت بسحر عيناك
هوه انته شتظن من عينك اسلم؟
انته اعيون عندك اذا ابليس
يصد عينه بعيونك يظل يلطم
عشگتك وآنه ادري بنفسي مجبور
وعواطف گلبي ادري بيه يحكم
عشگتك والعشگ مابيها اسرار
واليعشگ عيونك عمي شيظم؟
چا شنهي وعليمن ساكت اشبيك؟
دگول اهواك وكافي خلي نلتم

» صلاح حسن انت الحب 2011 بدون حقوق صوتية سونك قمة في الحب بمناسبة عيد الحب
» الم الحب
» في مدرسة الحب
» الحب الحقيقي
» عذاب الحب