حايــــــــــر....

حايــــــــــر....
احجي واضحك وايا الناس
واني ابصدري امكسره أحزاني
اتعلمت ع الآه والنوح والدمعه
وما غير الحزن صارعنواني
ضلييت اداوي ابهذا وبذاك
ولا بشر منهم اذكر و داواني
اتندم مره وابجـــــي وألوم الدلال
ومره اكول اشون عفتك اشجاني؟؟
اعز اصحباي الخاطرك عفته
ومشيت ابدرب عدوي بي خاواني
محد درة بالصار بينك وبيني
وذا لاموك اكول الصوج مو هو آني
ما فاقد اي امل الا ابوفاك اوياي
بس ما اكدر احب غيرك شخص ثاني
وتحس الروح أبلهفه ابملكاك
وأدكول بس لا كدر ينساني...
ما اريدك وما اريد اتروح بعيد
لان ابغيبتك موتي يدناني