أريد أعزف غرامــك بـــ ألـة العود

أريد أعزف غرامك بألة العود
وأشوفن ياهو يكَدر يقره ألحاني

وأهيمن بالعشكَ وياك فد نوب
وأحطك أحله ورده بوسط بستاني

وأضمك دمع حــار أبين العيون
وأنا الراضي بغرامك لون جوّاني

وأشيلك بالكَلب وأقفلهه ألابواب
وأطب وياك حته أتصير سـجاني

ألك ناذر نذر كل عـمري يفلان
لون تصبحلي ضحكة اتفرح احزاني

أذن لو ما احبك يعني هذا الـموت
وأذا بالمـوت قابـل أنه الك فاني

أنه اللي ذكـرتك وناسي كل انسان
ولو تسألني عنــي ما أعرف أني

لأن أنته أللي بيه شلون ترضه أتروح
ومن يسـوه بعـدك حتـه يسواني

صرت عيدي وحته العيد منك غار
وصرت طيف الفرح مرسوم بجفاني

أنا البيك اطلعت بالدنيه ماخسران
وأنا البعدك يغالي ما أعرف ثاني

والله وعزفت الحانك

واطربتنا بشجون كلماتك

اي رونق تحمل واي ابداااع تملك

وربي تمنيت تطول معزوووفتك

بارك الله فيك ووفقك

والى الامام دوم

تسلم عالابيات الرائعه انته اجمل قصيده وانته عنوان الشعر انته يا نبع المحنه ويا نسمة عطر