بعيونك خجل ماشفته بعيون

بعيونك خجل ما شفته بعيون
وأموتن لو علي صديت بعيونك
وقانون الحسن يركع حدر رجليك
وآيات الجمال تبوس قانونك
يالكلك براءة وطيبة واحساس
اضمك وين خايف لا يحسدونك
لونك مدري شنهي وانته مدري شلون
وانته شلون مدري ومدري شلونك
بخدودك حدايق من الورود
وعليك تعاركوا رادوا يشمونك
لأن اليحب وردة يشمهه شي معلوم
وانته المشكله كلهم يحبونك
احبك .. لو تصير وياي بركان
وانه العاقل واكون بفخر مجنونك
احبك .. انته هيج شلون متصير
واحب حرك بآب وبرد كانونك
احبك .. لا تظن انساك فد يوم
ويذبل ورد روحي بلحظة من دونك
روحي برتقالة وجفك الماعون
واريد اعصر الروح بوسط ما عونك

تحيتي للجميع !